الشريط الإعلامي
عاجل

ارحموا هالحكومة

آخر تحديث: 2017-09-06،
زياد البطاينه
ارحموا هالحكومة
بقلم : زياد البطاينة
بدي اقول الحقيقة للناس لكل الناس النايمه واللي ماصحي يصحى على صوتي حكومات الشعوب ... مظلومة .... مظلومه..... والشعب ابن ستين؟؟؟ ... و ناكر للجميل .
بعرف ان هذا الحكي ماراح يرضي الكثير منهم ولكن برضي الكثير منهم بهالحكي كانك بتحك له على جربه... شو يعني شعب... وشو يعني حكومة... وشو يعني نواب وشو يعني قوانين وانتخابات واسعار وبنزين وكاز وغاز واراضي وتصدير واستيراد شو يعني يطردوا مستاجر من سكنه ولاويقطعوا الكهربا عنه شو يعني؟؟؟
بقولوا البلد تحول ديمقراطي ..... و الشعب بده ديمقراطية.... طيب هو بالاصل هالشعب بعرف شو يعني ديمقراطيه تايلعب بيها مثلنا ... لعبه ديمقراطيتهم بطارياتها خالصة مابعرفوا يشغلوها ... وشوهي الديمقراطية و ليش الديمقراطية تا يطلبها ماهي الا كلمه بتنقال على لسان البعض وهم بصدقوا كل شي وبسرعه حنى ما بعدوا للعشره
واحد صادق منهم من تلك البلد البعيده عنا والحمد لله ... تنطح لي وبلهجنه اللي مابعرفها ولا عمري سمعت بيها قال احنا شعب غشيم شو بعرفنا بالديمقراطية وسخام البين... بقولوا في قانون والله ماتعرفت عليه بعد... سالت عنه قالولي في قانون.. ومشروع قانون ...وقانون مؤقت.. وتعليمات... وانظمه... وتعاميم... شو بتؤمر حيروني والله يااخوان .... وشو فيها لو الحكومة عدلت الدستور ولا طبقوا نظام ولاتعليمات ولا قوانين مؤقته بدل القانون ... شو فيها لو اولادنا ضيعوا عمرهم بعد التخرج عباب الديوان بالطابور.زي مااحنا بنصف طوابير عالخبز والكاز والسكر ماهو ان راح ولا اجا بهالزمن المر شربناه بجرعات ..و الكل مقهور وبظل يقول الحال مستور.... وخليها بالقلب تجرح ولاتطلع وتفضح
قلت له ..احمدوا ربكم ان بلدكم بعيد عنا وماسمعنا بانتخابات ولا قوانين
شو يعنى انتخابات وقوانين شفافه وعصريه وشو مرحله رايحه ومرحله جايه واحزاب وتعددية؟؟؟ وشو يعنى حقوق انسان؟؟ ومالنا ومال رغيف الخبز بعد ماصار كل همنا و تفكيرنا بالبطن بدل الراس ... وشو يعني لما تعين الحكومة مستشار ولا مدير مكتب ابن لفلان وعلان ماهو من نفس الجنسية ... وسنه بسمح واهله معروفين من الهند للصين ... الهدف خرجناه من عنق الزجاجه متخرج ابن امبارح باعلى الوظايف وبصير يناطح الكبار وسصغر الصغار ؟؟؟ وشو يعني اوجد له شاغر واطير فلان بدون سبب....ما الكرسي دوار
شو يعني يعين وزير قرابته وببشع باللي عينهم من سبقه؟؟؟ شو يعني بتحدى وبصر على انه لازم يبقى فلان ولازم يروح فلان ؟؟؟؟ شو يعني لما تعين المعيد والعميد ,وتدعي للتجديد طب ما الناس صاروا بهالزمن اسياد وعبيد؟؟؟ شو يعني لما يرفعوا سعر البنزين وجرة الغاز والسمن والطحين بحسبه بس همه اللي بعرفوها .. شو يعني الاف عن العمل عاطلين شو يعني لما الكلمه تحتاج لرسوم وطوابع..... والصحفي عالمحاكم فايت طالع .... وبقولوا حريه سقفها السماء ولازم الصحفي يكشف مواقع الفساد بس بينه وبين نفسه لايخرجها لبره ...شو وشو يعنى لما تحبس صحافيين وهم فى الاصل بنظرهم شوية كدابين ؟؟
وشو يعني لما يحطوا راس الشعب با لطين؟؟ وشو يعني الحرية والديمقراطية والكرامه والثورة وقضيه اللاجئين ؟؟؟
وشو يعنى لما نندفن بالحيا واحنا عايشين... وشو يعنى لما فى المطار اول كلمة تنقال النا اولاد البلد صف على جنب بالطابور ياادمي احسن ماارفش ببطنك شو انت ... كبير ؟؟؟؟...... والغريب بفوت ومن المقصوره بطلع وسلام واحترام ... وناس بتختم له الجواز وهو يشرب العصير وشناطيه بالسياره بتصير..... وشو يعني ولما بنوقف عباب السفارات ببلادنا من الصبح للمساء والجواب مثل ... بالصف واقفين مربوطين بكلمه من مراسلها واخيرا الجواب مافيش ماهو الواحد منا راح ولا اجا ابن ...... ؟؟؟؟ شو يعنى بلد بتتسرق ولا بتتحرق .
وشو يعنى كام عمارة بتقع ....و كام الف مشروع فشل.... وشو يعنى لوكم واحد من هالشعب انتحرمن برج الاسكان ولا بناية الجيران ؟؟؟ شو يعني لوباعو الارض والكراج والمينا والمطار...... وشو يعني لو الراتب بدقيقة طار.... وظل الديان عباب الدار ينطر طول النهار ؟؟ شو يعني لو البنك حجز عالدار وباع الاثاث والاحجار ؟؟؟وسلطه المياه قطعت المي على عشره دينار ... وشو يعني لو نائب حفر ابيار وطلع مي وباع منه بالامتار
شو يعنى لما يبقى الظلم عدل والعدل يتحول لظلم وسجن وسجان
بس انتم بتزيدوها على حكومتكم الصابرة عليكم ....
وقال بيقولو كيف المسئول ينام وعيونه بتغمض وضميره مستريح .. وبحلم وماوعد محدودي الدخل ومعدومي الدخل واللى عايشين تحت تحت واللي عايشين فى الوحل.... واللى عايشين فى الترب واللي حمل شناطيه ومن هالحال هرب
,شو يعنى لما يبقى فية اطفال بالشوار ع بلفوا عالحاويات وعلى ابواب العمارات وبين السيارات.... وبلموا علب البيبسي وبشربوا اللي ظل فيها وبجطعجوها وبجموعها وبروحو يبيعوها...... ماهمه بيقبضوا قروش بتكفي للفه فلافل ... شو يعني رسوم وطوابع بتتضاعف لانه الموظف بتقااسم مع المراسل الارباح والحكومة ماحطت ماكنه بوزارة ولا بدائرة حتى تسبب الناس ... توخذ الحق وتعطي الحق ؟؟؟؟ شو يعني ضرايب اشي معروف واشي ماهو معروف؟؟؟ حتى ضريبه على ضريبه ... شو يعني لو راح الولد عالمدرسة بدون مصروف وصار يحسد زميله على باكيت الشبس ولما يقرب منه بطرقه بايده بقول له بس... شو يعني انفلونزا الخنازير والارانب والحمير شو يعني لو مرضوا اولادنا لو ماتوا لو ناموا بالشوارع بالحارات والحلو بسموه تسريب شو يعني الاف المرضى بصفوا على شباك صيدليه بمستشفى طوابير من الصباح لبعد الظهر نسوان وختياريه واطفال ... والبعض اقعد مابتشرب القهوه حتى ياتي لك المراسل بالدوا ...
وشو يعني يعنى لما يبقى عندنا كل كام شهر كام قتيل بالشارع ولا بالحي ???
شو يعني ضابط لما يضربك على رقبتك شو مش عارف لويش الرقبة خلقها الله ولا فكرك علشان ياخد مقاس ايدية افهم يا بجم.....اعرف القصة و اوعى مهما يبهدلك ضابط ولا شرطي ولا يضربك تكون اهبل وترد علية....
شو يعنى بلد بتنباع قطعه قطعه وقدام عيونك ... وبقولوا خصخصنا وياريتهم عرفوا معنى الخصخصة .... شو يعنى كل شىء ضاع وشو يعنى مستشفياتنا للفيران للحراذين للذبان للزباله..... ومقابرنا لفشة الغل والسكر والممارسات الخاطئة ....شو يعني لو غاصت السيارة ولا البنت والطفل بشي حفرة بالشارع وانكسرت اجرها ولاسيارة انكسرت على جبل بسموه مطب..... وشو يعني لو عجال السيارة اكلتها عين القط اللي بمواصفات مميزة لعيون من صنعها النا ولهالزمن المر....شو يعني لو البلد امتلئت كاميرات ومباحث مروريع ورادارات ودوريات ماهي للجبايه ولا يوظفوا ناس لجمعها
ولا وين بدك يودو هالزبالة بعد ماحرقوا اولاد الحارة الحاويه.... لانه ماحد شال مافيها من شهر.... والاسم بلديات وشو يعني لما اللى يموت منا يحطوة بمستشفياتنا تحت السرير وبستنوا مين يدفع عنه الفواتير... شو يعنى لما ناكل لحمة كلاب ولا بغال ولا حمير.... وبعد في ناس بتتكلم عن الضمير و لما نشرب مية مركبه من خلطه مجارى هو احنا كنا لاقيين ....شو يعنى لما يبقى اللى عندهم الكبد والسرطان ملايين المرض بايد رب العالمين..... وشو يعني لما الواحد منا ببيع الكبد والكلى بالف دولار ولا الفين ما هو فى الاخر عارف رايحات ورايح هو لوين
شو يعنى الجيب خاوى و معهوش حق بكيت الدخان هو يعنى احسن من مين.... شو يعنى لما يبقوا كلهم مديونين وشايلين الطين ما كل شعبنا وجيرانا مديونين واللي مش مديون نايم بالسجن عشكات مش مدفوعه ولا على اموال البورصة اللي تدينها على امل
انتم مفكرين نفسكم وين,,,,, بتقولوا عمارات وبيوت وكلهن مرهونين بتقولوا الزراعه مش جايبه همها وحالتهم كرب......والمزاره من ارضه هرب لعلمكم هاى هيه سياسية الارض وبيقولوا كمان فية ناس عاطلين طيب ما يشوفوا فية قديش موظفين اخذوا دور المساكين بواسطة نائب او دافعين و رافعين عيب الناس انهم مش فاهمينبقولو في عندنا سياحة وصرنا نتمنى شوفه السائح ومطاعمنا وفنادقنا اغلقت وبعدت بنثول سياحة
شو يعنى احتكار واشو يعنى لما الاسعار تغلى كل ساعة ولا كل نهار هاي اسعار عالمية حتى سعر البندوره والخيار ارتفعت وصرنا نتمنى زر بندوره
واحنا لسة فى اول المشوار..... اللى بيفهم من الناس صاروا يسموه حمار... والصابر جمل والمسكين ارنب والحرامي فار...... شو يعنى خطه خمسية ورسوم جامعة وتوجيهي وثانوية.... ثانوية من الاساس تعليم التعليم للي نزل اسمه من الديوان ولا تحت اسم المكرمه ولو كان شبعان ابن شبعان العلم مش للفقير ولا للتعبان العلم للي بعرف نائب ولا مسؤول ولا معه قلوس والباقي اولاد منحوس
سيبك من المعارضين وجرايد المستقلينمن النواب ومن الاحزاب ومن شاعر الرباب طب ما الشعب بياكل ببلاش... خبز حاف شعب شحاد و مقرف صحيح
قال شو بدهم المعلمين ماعندهم ظل الا شوية الاعتصامات واضرابات والقايمين عليها بسوو مظاهرات شوية زعران ولا اولاد خارجين عن القوانين بدهم يعملوا فى البلد حالة غليان........ وشو يعني لما يبقى كام مليون حكم قضائي مش منفذ و لما النصب زاد....... وشو يعنى لما ينتشر الفساد بطول وعرض البلاد
والاسخم انه ضيفنا بزيد وبقول ياناس حكوماتكم عندها حق..... صدقوني بس انه انتم احسن من غيركم بكثير ونسيتوا اللي بنعنيهم هم من شعب بعيد عنا وبلد بعيد وانه مش عندنا والحمد لله ولا ضعنا وحالنا صار ازفت منهم
وعيب الناس انهم مش قادرين يفهموا الحكومة... والحكومة مش راضية تتطلع وراها ...وينحسب عليها رجوع للورا والمعارضة تقيد للحكومة شموع لان كل يوم فيه جديد وبحد ذاته عيد....
انابدي حد يقولى فية اكتر من هيك راحة.... وساعات كمان بيبقى كاتب عليها عضه اسد ولا نظرة حسد..... شفتوا الموضوع وصل لحد وين بس انتم مش فاهمين الحكومة وبتظلو.... تقروا وتكتبوا والحكومة مش فاضيه تقرا لكم وماعادت ابتقرا ورق.... بس من جوه قلبها عليكو احترق بكفي عاد يانمور من ورق